Berriak

Kirola

2023ko ZESTA PUNTAKO GIZONEZKOEN ELITE TXAPELKETAREN 3. ETA POSTUA ETA FINALA

Ostiral honetan 19:30etan hasita Mutrikuko Miruaitz pilotalekuan Gizonezkoen Zesta puntako I. Elite txapelketa honen 3. eta 4. postua eta finala jokatuko dira.

Gizonezkoen Zesta Puntako lehenbiziko Elite txapelketa bere bukaerara iritsi da maila altuko txapelketa jokatu eta gero. Bi multzoetako liga faseak ondorengo sailkapena utzi zuen:

• A taldea:
  • Aurrelariak:
    • Alberdi: 200 puntu.
    • Urreisti: 180 puntu.
    • Lekerikabeaskoa: 120 puntu.
    • Basterra: 100 puntu.
  • Atzelariak:
    • Atain: 220 puntu.
    • Mancisidor: 180 puntu.
    • Ibarluzea: 120 puntu.
    • Mandiola: 80 puntu.
• B taldea:
  • Aurrelariak:
    • Gonzalez: 160 puntu (+9).
    • Aaron: 160 puntu (+3).
    • Goitia: 160 puntu (-2).
    • C. Aguirre: 120 puntu.
  • Atzelariak:
    • Uranga: 160 puntu (+9).
    • Bailo: 160 puntu (+5).
    • Diaz: 160 puntu (-2).
    • Iturralde: 120 puntu.

 

Sailkapen honekin finalerdiak honela antolatu ziren eta emaitza hauek eman ziren:

            🔴 Alberdi-Atain: 1 (11-15-3).

            🔵 Aaron-Bailo 3 (15-12-5).

            🔴 Gonzalez-Uranga: 2 (15-15).

            🔵 Urresiti-Mancisidor 0 (14-2).

 

Aipatzekoa da bigarren finalerdiko lehenbiziko jokoan Eñaut Urreistik txorkatila bihurritu zuela markagailuan 11-14 aurretik zeudela eta ondorioz partidua jokatzeari utzi behar izan ziola. Mancisidorrek bakarrik jokatzea erabaki zuen baina lehen jokoa 15-14 galdu eta gero bigarrena 15-2 galdu zuen.

Ostiraleko 3. eta 4. postua eta finaleko karteldegia:

• 3. eta 4. postua:

🔴 Alberdi-Atain

🔵 C. Aguirre (ordezkoa)-Mancisidor.

• Finala:

🔴 Aaron-Bailo.

🔵 Gonzalez-Uranga.

 

Ostiraleko finalean asko dago jokoan, Euskadiko Euskal Pilota Federakuntza, Munduko Pilota Batzarra eta Zesta Puntako bi enpresa profesionalen (Gernika Jaia Alai eta Jai Alive) arteko akordio baten ondorioz, txapelketa hau irabazten duen bikoteak, sari moduan, 2023ko Jai Alai World Tourreko bi txapelketetan parte hartzea irabaziko du eta. 

3. eta 4. postua eta finalak ETB bidez ikusi ahalko dira larunbat goizean. 

Galeria